पनवेल तालुक्यातील विचुंबे येथील परिसर करोना विषाणू बाधित क्षेत्र म्हणून घोषित !

अलिबाग, दि.30 : जिल्ह्यातील पनवेल तालुक्यातील विचुंबे येथील मंगलमूर्ती सोसायटी,एफ विंग,रुम नंबर 1 येथे एक व्यक्ती करोना विषाणू बाधित आढळून आल्याने या हद्दीतील करोनबाधित रुग्ण रहात असलेले मंगळमूर्ती को.ऑ.हौ.सोसायटी, एफ विंग,रुम नंबर 1 विचुंबे व त्यापासूनचा पूर्वेस-हरि रेसिडन्सी, पश्चिमेस आकांक्षा कॉम्प्लेक्स, उत्तरेस के.सी.पाटील बंगला व दक्षिणेस पर्ल्स सोसायटी हा परिसर करोना विषाणूचा प्रादूर्भाव टाळण्यासाठी पुढील 28 दिवस हे क्षेत्र Containment Zone (करोना विषाणू बाधित क्षेत्र) म्हणून घोषित करण्यात आले आहे.
या परिसरात राहणाऱ्या नागरिकांना घरातून बाहेर पडण्यास व अन्य ठिकाणी स्थलांतरित होण्यास तसेच बाहेरून येणाऱ्या लोकांना या बाधित क्षेत्रात प्रवेश करण्यास जिल्हादंडाधिकारी तथा अध्यक्ष, आपत्ती व्यवस्थापन प्राधिकरण, रायगड निधी चौधरी यांनी प्रतिबंध आदेश लागू केले आहेत.
या आदेशाचे उल्लंघन करणाऱ्यांवर आपत्ती व्यवस्थापन अधिनियम 2005 कलम 51 व तसेच महाराष्ट्र पोलीस अधिनियम 1951 चे कलम 71, 139 तसचे भारतीय दंड संहिता (45 ऑफ 1860) च्या कलम 188 अन्वये कारवाई करण्यात येईल, असे अध्यक्ष आपत्ती व्यवस्थापन प्राधिकरण रायगड तथा जिल्हाधिकारी निधी चौधरी यांनी कळविले आहे.