Coronavirus update (24 June 2020) रायगड जिल्ह्यात आज 142 नव्या रुग्णांची नोंद; 1 हजार 839 जणांनी केली करोनावर मात तर सध्याची रुग्ण संख्या 794 !

अलिबाग, दि.24 : स्वत:च्या इच्छाशक्ती व प्रतिकारशक्तीच्या जोरावर आतापर्यंत जिल्ह्यातील 1 हजार 839 रुग्णांनी करोनावर यशस्वी मात केली आहे. तर आज 142 नव्या करोना बाधित रुग्णांची नोंद झाली आहे.

आज दिवसातील कोविड बाधित रुग्ण संख्येत पनवेल मनपा-95, पनवेल (ग्रा)-28, उरण-10, खालापूर-4, कर्जत-1, पेण-1, मुरुड-1, रोहा-3 अशा प्रकारे एकूण 142 ने वाढ झाली आहे.
आजच्या दिवसात 3 व्यक्तींची (पनवेल मनपा-2, पनवेल ग्रामीण-1,) मृत व्यक्ती म्हणून नोंद झाली आहे.

सद्य:स्थितीत जिल्ह्यात करोना +ve असलेल्या (Active Cases) नागरिकांची संख्या पनवेल मनपा-410, पनवेल ग्रामीण-158, उरण-36, खालापूर-11, कर्जत-38, पेण-37, अलिबाग-41, मुरुड-2, माणगाव-12, रोहा-26, महाड-15, पोलादपूर-8 अशी एकूण 794 झाली आहे.
कोविड-19 ने बाधित झालेले मात्र आरोग्य यंत्रणेच्या यशस्वी प्रयत्नानंतर आणि स्वत:च्या इच्छाशक्ती व प्रतिकारशक्तीच्या जोरावर बऱ्या झालेल्या नागरिकांची संख्या पनवेल मनपा-1055, पनवेल ग्रामीण-288, उरण-185, खालापूर-13, कर्जत-37, पेण-28, अलिबाग-42, मुरुड-17, माणगाव-55, तळा-12, रोहा-25, सुधागड-2, श्रीवर्धन-9, म्हसळा-29, महाड-22, पोलादपूर-20 अशी एकूण 1 हजार 839 आहे.
आज दिवसभरातही पनवेल मनपा-76, पनवेल ग्रामीण-9, उरण-8, कर्जत-3, अलिबाग-2, महाड-5 असे एकूण 103 नागरीक करोना विरोधातील लढाई जिंकून पूर्णपणे बरे होऊन आपल्या घरी गेले आहेत.
आतापर्यंत पनवेल मनपा-65, पनवेल ग्रामीण-14, उरण-2, खालापूर-2 कर्जत-6, पेण-1, अलिबाग-6, मुरुड-2, माणगाव-1, तळा-2, श्रीवर्धन-2, म्हसळा-3, महाड-6 पोलादपूर-1 असे एकूण 113 नागरिक मृत पावले आहेत. मात्र त्यांना काही ना काही इतर आजार असल्यामुळे ते करोना विरोधातील लढाईत दुर्देवाने यशस्वी होऊ शकले नाहीत.
आतापर्यंत जिल्ह्यातून 7 हजार 195 नागरिकांचे SWAB कस्तुरबा गांधी रुग्णालय, मुंबई येथे तपासणीसाठी पाठविण्यात आले असून तपासणी अंती त्यापैकी 4 हजार 401 नागरिकांचे रिपोर्ट ‘-’ ve प्राप्त झाले आहेत तर तपासणीअंती रिपोर्ट मिळण्यासाठी प्रलंबित असणाऱ्या नागरिकांची संख्या 48 आहे. आतापर्यंत जिल्ह्यात तपासणी अंती ‘+’ve रिपोर्ट प्राप्त नागरिकांची संख्या 2 हजार 746 आहे.