Coronavirus update (06 June 2020) जिल्ह्यात आज 82 नव्या रुग्णांची नोंद; 802 जणांनी केली करोनावर मात तर सध्याची रुग्ण संख्या 524 !

अलिबाग, दि.6 : स्वत:च्या इच्छाशक्ती व प्रतिकारशक्तीच्या जोरावर आतापर्यंत जिल्ह्यातील 802 रुग्णांनी करोनावर यशस्वी मात केली आहे. तर आज 82 नव्या करोना बाधित रुग्णांची नोंद झाली आहे.

आज दिवसातील कोविड बाधित रुग्ण संख्येत पनवेल मनपा-56, पनवेल (ग्रा)-9, उरण-4, कर्जत-2, पेण-8, तळा-2, अशा प्रकारे एकूण 82 ने वाढ झाली आहे.

आजच्या दिवसात पनवेल (मनपा)-3, तळा-1 अशा 4 व्यक्तीची मृत व्यक्ती म्हणून नोंद झालेली आहे.

सद्य:स्थितीत जिल्ह्यात करोना +ve असलेल्या (Active Cases) नागरिकांची संख्या पनवेल मनपा-280, पनवेल ग्रामीण-65, उरण-15, खालापूर-9, कर्जत-14, पेण-12, अलिबाग-31, मुरुड-13, माणगाव-26, तळा-7, रोहा-5, सुधागड-1, म्हसळा-27, महाड-10, पोलादपूर-9 अशी एकूण 524 झाली आहे.

कोविड-19 ने बाधित झालेले मात्र आरोग्य यंत्रणेच्या यशस्वी प्रयत्नानंतर आणि स्वत:च्या इच्छाशक्ती व प्रतिकारशक्तीच्या जोरावर बऱ्या झालेल्या नागरिकांची संख्या पनवेल मनपा-383, पनवेल ग्रामीण 163, उरण-152, खालापूर-2, कर्जत-13, पेण-11, अलिबाग-7, माणगाव-24, तळा-5, रोहा-18, सुधागड-1, श्रीवर्धन-9, म्हसळा-1, महाड-2, पोलादपूर-11 अशी एकूण 802 आहे.

आज दिवसभरातही पनवेल मनपा-19, पनवेल ग्रामीण-5, उरण-4, पेण-5, तळा-1, रोहा-10, सुधागड-1 असे एकूण 45 नागरीक करोना विरोधातील लढाई जिंकून पूर्णपणे बरे होऊन आपल्या घरी गेले आहेत.

आतापर्यंत पनवेल मनपा-30, पनवेल ग्रामीण-9, उरण-1, खालापूर-1, कर्जत-3, अलिबाग-3, मुरुड-2, तळा-1, श्रीवर्धन-2, म्हसळा-3, महाड-4, पोलादपूर-1 असे एकूण 60 नागरिक मृत पावले आहेत. मात्र त्यांना काही ना काही इतर आजार असल्यामुळे ते करोना विरोधातील लढाईत दुर्देवाने यशस्वी होऊ शकले नाहीत.

आतापर्यंत जिल्ह्यातून 4 हजार 509 नागरिकांचे SWAB कस्तुरबा गांधी रुग्णालय, मुंबई येथे तपासणीसाठी पाठविण्यात आले असून तपासणी अंती त्यापैकी 3 हजार 068 नागरिकांचे रिपोर्ट ‘-’ ve प्राप्त झाले आहेत तर तपासणीअंती रिपोर्ट मिळण्यासाठी प्रलंबित असणाऱ्या नागरिकांची संख्या 55 आहे.