Coronavirus update (10 June 2020) जिल्ह्यात आज 46 नव्या रुग्णांची नोंद; 1103 जणांनी केली करोनावर मात तर सध्याची रुग्ण संख्या 381 !

अलिबाग, दि.10 : स्वत:च्या इच्छाशक्ती व प्रतिकारशक्तीच्या जोरावर आतापर्यंत जिल्ह्यातील 1103 रुग्णांनी करोनावर यशस्वी मात केली आहे. तर आज 46 नव्या करोना बाधित रुग्णांची नोंद झाली आहे.

आज दिवसातील कोविड बाधित रुग्ण संख्येत पनवेल मनपा-26, पनवेल (ग्रा)-10, उरण-1, खालापूर-1, कर्जत-2, अलिबाग-2, महाड-4 अशा प्रकारे एकूण 46 ने वाढ झाली आहे.

आजच्या दिवसात पनवेल (मनपा)-2, महाड-1 अशा 3 व्यक्तीची मृत व्यक्ती म्हणून नोंद झालेली आहे.

सद्य:स्थितीत जिल्ह्यात करोना +ve असलेल्या (Active Cases) नागरिकांची संख्या पनवेल मनपा-240, पनवेल ग्रामीण-55, उरण-11, खालापूर-3, कर्जत-13, पेण-10, अलिबाग-7, माणगाव-5, तळा-4, म्हसळा-11, महाड-15, पोलादपूर-7 अशी एकूण 381 झाली आहे.

कोविड-19 ने बाधित झालेले मात्र आरोग्य यंत्रणेच्या यशस्वी प्रयत्नानंतर आणि स्वत:च्या इच्छाशक्ती व प्रतिकारशक्तीच्या जोरावर बऱ्या झालेल्या नागरिकांची संख्या पनवेल मनपा-541, पनवेल ग्रामीण 196, उरण-158, खालापूर-10, कर्जत-17, पेण-13, अलिबाग-34, मुरुड-13, माणगाव-46, तळा-8, रोहा-23, सुधागड-2, श्रीवर्धन-9, म्हसळा-18, महाड-2, पोलादपूर-13 अशी एकूण 1103 आहे.  

आज दिवसभरातही पनवेल मनपा-21, पनवेल ग्रामीण-5, उरण-3, खालापूर-3, तळा-1, रोहा-2, सुधागड-1, म्हसळा-17 असे एकूण 53 नागरीक करोना विरोधातील लढाई जिंकून पूर्णपणे बरे होऊन आपल्या घरी गेले आहेत.

आतापर्यंत पनवेल मनपा-36, पनवेल ग्रामीण-9, उरण-1, खालापूर-1, कर्जत-3, अलिबाग-3, मुरुड-2, तळा-1, श्रीवर्धन-2, म्हसळा-3, महाड-5, पोलादपूर-1 असे एकूण 67 नागरिक मृत पावले आहेत. मात्र त्यांना काही ना काही इतर आजार असल्यामुळे ते करोना विरोधातील लढाईत दुर्देवाने यशस्वी होऊ शकले नाहीत.

आतापर्यंत जिल्ह्यातून 4 हजार 886 नागरिकांचे SWAB कस्तुरबा गांधी रुग्णालय, मुंबई येथे तपासणीसाठी पाठविण्यात आले असून तपासणी अंती त्यापैकी 3 हजार 233 नागरिकांचे रिपोर्ट ‘-’ ve प्राप्त झाले आहेत तर तपासणीअंती रिपोर्ट मिळण्यासाठी प्रलंबित असणाऱ्या नागरिकांची संख्या 102 आहे. आतापर्यंत जिल्ह्यात तपासणी अंती ‘+’ve रिपोर्ट प्राप्त नागरिकांची संख्या 1 हजार 551 आहे.