पनवेल दि. १४ : पनवेल १८८ विधानसभा मतदारसंघ, निवडणूक विभाग अंतर्गत पोलीस पथकांतर्गत दि. १३ नोव्हेंबर २०२४ रोजी रात्री ०७:३० ते ०८:१० वाजण्याचे दरम्यान पोलीस उपायुक्त प्रशांत मोहीते, सहा. पोलीस आयुक्त अशोक रजपूत, वरीष्ठ पोलीस निरिक्षक दिपक सुर्वे यांचे मार्गदर्शना खाली खारघर पोलस ठाण्याचे बीट मार्शल पो.शी. प्रदिप साळुंखे व पो.शी. दिलीप चौरे यांचे पथक खारघर हद्दीत गस्तीवर असताना कोपरा गाव येथे सोमोश्र्वर रेसीडेंसी, सेक्टर १०, खारघर या इमारती खाली रीक्षा मध्ये दोन इसम पैशांची देणेघेणे करताना संशयास्पद वाटल्याने त्यांची रितसर चौकशी केली असता त्यांच्या कडून समाधानकारक उत्तरे न मिळाल्याने त्यांच्या कडील कॅनवास बॅगेची तपासणी केली असता त्या बॅगेमध्ये ३ लाख अठ्ठयानव हजार रुपयांची रोख रक्कम आढळून आली. हि रक्कम व संबंधितास ताब्यात घेवून पुढील कार्यवाहीसाठी भरारी पथक कडे सुपुर्त करून रक्कम जप्त करण्यात आली.
कारवाई १८८ पनवेले विधानसभा मतदारसंघाचे निवडणूक निर्णय अधिकारी पवन चांडक यांच्या मार्गदर्शनाखाली करण्यात आली. या कारवाई वेळी सहाय्यक निवडणूक निर्णय अधिकारी विजय पाटील, आचारसंहिता पथक प्रमुख भारत राठोड, सहाय्यक निवडणूक निर्णय अधिकारी, संदिप कराड, सहाय्यक निवडणूक निर्णय अधिकारी, संजय भालेराव, सहाय्यक खर्च निरिक्षक, विजय फासे, सहाय्यक खर्च निरिक्षक, संजय आपटे, आचारसंहिता पथक प्रमुख महेश पांढरे, आचारसंहिता संनियंत्रण अधिकारी, शरद गिते, आचारसंहिता पथक सहाय्यक प्रमुख जी. एस. बहिरम, सहा. समन्वयक आचारसंहिता कक्ष, दिनेश भोसले तुषार म्हात्रे, नितेश चिमणे, आशा डोळस, तसेच भरारी पथक क्र. ०९ पथकाचे प्रमुख स्वप्नील नारकर, सहा. पथक प्रमुख, भगवान दुधमल, तळोजा पोलीस ठाण्याचे P.S.I सिद्धेश शिंदे, खांदेश्वर पोलीस ठाण्याचे पो. शी. तुळशीराम पिरकड उपस्थित होते.
