उरण दि.६: उरण तालुक्यातील प्रकल्पबाधीत ग्रामपंचायतीना लवकरच लवकर मालमत्ता कराचे वाटप करण्यात येणार असल्याची सकारात्मक चर्चा जेएनपीटी बंदराचे व्हा. चेअरमन उन्मेष शरद वाघ यांनी बैठकीतून केली आहे.त्यामुळे अनेक समस्यांनी,नागरी सुविधा पासून वंचित राहीलेल्या प्रकल्पबाधित ग्रामपंचायतीना जनहितार्थ कामे मार्गी लावण्यासाठी चालना मिळणार असा विश्वास जसखार ग्रामपंचायतीचे सरपंच दामोदर घरत व सोनारी ग्रामपंचायतीच्या सरपंच पुनम महेश कडू यांनी व्यक्त करुन आमदार महेश बालदी यांचे आभार मानले आहेत.
उरण तालुक्यातील महालण विभागातील जसखार,सोनारी,करळ,फुंडे, नवघर, पागोटे, हनुमान कोळीवाडा,नवीन शेवा,धुतूम,जासई,चिर्ले आदि ११ ग्रामपंचायतीच्या हद्दीतील जमिनी सिडकोने जेएनपीटी बंदराच्या उभारणीसाठी संपादित केल्या,मात्र १९८४ पासून या ग्रामपंचायतीना देण्यात येणारा करोडो रुपयांचा मालमत्ता कर देण्याचे टाळले.त्यामूळे विशेष करून जसखार,सोनारी,करळ सह इतर ग्रामपंचायत हद्दीतील रहिवाशांना नागरी सुविधा पासून वंचित राहावे लागले होते.
यावेळी प्रकल्पबाधित ११ ग्रामपंचायतीच्या सरपंच,उपसरपंच, सदस्य यांनी या परिसरातील लोकप्रतिनिधी यांच्या मार्गदर्शनाखाली जेएनपीटी कडे थकीत असलेला मालमत्ता कराची रक्कम मिळावी यासाठी उरण पंचायत समिती,रायगड जिल्हा परिषद, जिल्हाधिकारी,कोकण आयुक्त,मंत्रालय, न्यायालयात टप्प्या टप्प्यांनी धाव घेतली.त्यावेळी काही अंशी म्हणजे ९कोटी ९० लाख रुपयांच्या मालमत्ता कराची रक्कम प्रकल्पबाधित ग्रामपंचायतीना मे २०११ साली प्राप्त झाली होती. मात्र त्यानंतर उर्वरित मालमत्ता कराची रक्कम न्यायालयातील दाव्यामूळे प्रलंबित राहिल्याने जेएनपीटी प्रकल्पबाधित ग्रामपंचायतीना उर्वरित मालमत्ता कराची रक्कम प्राप्त होऊ न शकल्याने या ग्रामपंचायतींचा विकास खुंटला असून अनेक समस्यांचा सामना करावा लागत आहे.
त्यामुळे जेएनपीटी प्रकल्प बाधित ग्रामपंचायतीना उर्वरित थकीत मालमत्ता कराची रक्कम मिळावी यासाठी जसखार ग्रामपंचायतीचे सरपंच दामोदर घरत, सोनारी ग्रामपंचायतीच्या सरपंच सौ पुनम महेश कडू,फुंडे सरपंच सौ.जयवंती परशुराम म्हात्रे तसेच इतर ग्रामपंचायतीचे सरपंच, उपसरपंच सदस्य यांनी जेएनपीटी बंदराचे चेअरमन तसेच उरणचे आमदार महेश बालदी यांच्या कडे थकीत मालमत्ता कराची रक्कम मिळावी यासाठी पत्रव्यवहार केला.त्या अनुषंगाने उरणचे आमदार महेश बालदी यांनी जेएनपीटी बंदराचे व्हा चेअरमन उन्मेश शरद वाघ यांच्या दालनात आज बैठकीचे आयोजन केले होते.यावेळी जेएनपीटी बंदराचे व्हा चेअरमन उन्मेश शरद वाघ, व्यवस्थापनाचे अधिकारी जयवंत ढवळे, मनिषा जाधव आणि ग्रामपंचायतीचे सरपंच दामोदर घरत, सरपंच सौ पुनम महेश कडू,माजी सरपंच महेश कडू,सह इतर मान्यवर यांच्यात थकीत मालमत्ता कराच्या वाटपासंदर्भात सकारात्मक चर्चा पार पडली असून सोनारी,जसखार सह इतर ग्रामपंचायतीने न्यायालयातील दावा मागे घेण्यासंदर्भात होकार दर्शविला आहे.
जेएनपीटी बंदराचे व्हा चेअरमन उन्मेश शरद वाघ यांनी आमदार महेश बालदी सह सरपंच यांचे म्हणणे ऐकून घेत याप्रसंगी सांगितले की जेएनपीटी प्रकल्प बाधित ग्रामपंचायतीना थकीत मालमत्ता कराची रक्कम मिळावी यासाठी आम्ही सदैव सदर ग्रामपंचायतीच्या बाजूने आहोत.तत्पुर्वी न्यायालयात असणारा मालमत्ता कराच्या वाटपासंदर्भातील दावा सदर ग्रामपंचायतीने मागे घेणे गरजेचे आहे.आणि ज्या ग्रामपंचायती न्यायालयातील दावा मागे घेण्यासाठी पुढाकार घेतील त्या ग्रामपंचायतीना थकीत मालमत्ता कराच्या रक्कमेचे वाटप लवकरच करण्यात येणार आहे.तसेच प्रकल्प बाधित ग्रामपंचायतीना त्यानंतर ही जेएनपीटी बंदराकडून देण्यात येणारा मालमत्ता कर हा दरवर्षी प्राप्त होणार आहे.परंतु ज्या जेएनपीटी प्रकल्प बाधित ग्रामपंचायत हद्दीत या अगोदर उभे राहिले प्रकल्प असतील किंवा सेझ प्रकल्प सोडून भविष्यात इतर उभ्या राहणाऱ्या प्रकल्पाकडून मालमत्ता कराची रक्कम घेण्याचा अधिकार हा सदर स्थानिक ग्रामपंचायतींचा राहणार आहे.त्यात जेएनपीटी बंदराचा हस्तक्षेप करणार नाही.

By खबरबात 360 - एन. बी. व्हिडिओ

आम्ही साकारत आहोत प्रथमच वेबसाईट विश्वातील नवी संकल्पना 360 डिग्रीच्या भव्यतेतून "खबरबात ३६० डिग्री डॉट कॉम"

error: Content is protected !!