‘सीकेटी’ महाविद्यालयामध्ये रंगला अंतरंग !

चांगू काना ठाकूर आर्टस्,कॉमर्स अँड सायन्स कॉलेज, न्यू पनवेल (स्वायत्त) येथे “अंतरंग २०२२-२०२३” च्या अंतर्गत शिक्षकेतर कर्मचाऱ्यांसाठी अंतर महाविद्यालयीन क्रीडा आणि सांस्कृतिक कार्यक्रम यशस्वीरीत्त्या संपन्न
पनवेल दि.१६: जनार्दन भगत शिक्षण प्रसारक संस्थेच्या चांगू काना ठाकूर आर्टस्,कॉमर्स अँड सायन्स कॉलेज न्यू पनवेल (स्वायत्त) येथे दिनांक १३ आणि १४ फेब्रुवारी २०२३ रोजी महाविद्यालयाच्या रौप्य महोत्सवानिमित्त राष्ट्रीय उच्चतर शिक्षण अभियाना अंतर्गत आणि जिमखाना व सांस्कृतिक विभाग यांच्या संयुक्त विद्यमाने शिक्षकेतर कर्मचाऱ्यांसाठी “अंतरंग २०२२-२३”या महोत्सवाच्या माध्यमातून, अंतर महाविद्यालयीन क्रीडा आणि सांस्कृतिक कार्यक्रमांचे आयोजन करण्यात आले होते.
या कार्यक्रमाच्या आयोजनामागील मुख्य उद्दिष्ट म्हणजे कर्मचाऱ्यांची नैतिकता वाढवणे आणि एक उत्तम शिक्षकेतर कर्मचारी तयार करणे व त्यांच्या कला गुणांना प्रोत्साहन मिळावे तसेच मुंबई विद्यापीठ आणि एस.एन.डी.टी. विद्यापीठाशी संलग्न असलेल्या विविध महाविद्यालयांमध्ये बंधुत्वाची भावना निर्माण व्हावी हे होते.
या स्पर्धेचे वैशिष्ट्य म्हणजे विविध क्रीडा आणि सांस्कृतिक कार्यक्रमाचे आयोजन केले होते. यामध्ये सांघिक खेळ, क्रिकेट, कॅरम,रस्सीखेच, इ. तसेच गायन स्पर्धा, नाट्यस्पर्धा, मेहंदी,रांगोळी स्पर्धा अशाप्रकारच्या विविध स्पर्धा होत्या. या कार्यक्रमाच्या उद्घाटनप्रसंगी जनार्दन भगत शिक्षण प्रसारक संस्थेचे अध्यक्ष अरुणशेठ भगत, व्हाईस चेअरमन वाय. टी. देशमुख, तसेच प्रमुख पाहुणे म्हमून रायगड भूषण व शिव छत्रपती राज्य क्रीडा पुरस्कार प्राप्त क्रीडापटू संदीप गुरव, प्रसिद्ध गायिका (कलर्स मराठी,सूर नवा ध्यास नवा) श्वेता ठाकूर आणि प्रसिद्ध सिनेअभिनेत्री रुचा मोडक, तसेच संस्थेचे सचिव डॉ. एस. टी. गडदे, महाविद्यालयाचे प्राचार्य प्रो.डॉ. एस. के. पाटील, आय. क्यू.ए.सी.चे समन्वयक डॉ. बी. डी. आघाव, रुसा समन्वयक डॉ.एस.एन.वाजेकर, कार्यालय अधीक्षक पी.एस.म्हात्रे, मुख्य लिपिक जी.के सुर्वे, कला शाखा प्रमुख प्रो. डॉ. बी.एस. पाटील, प्राणीशास्त्र विभागाच्या प्रमुख डॉ.एम.ए.म्हात्रे, इतिहास विभाग प्रमुख डॉ.आर. डी. म्हात्रे, मराठी विभाग प्रमुख प्रा. मा. म. आंबुलगेकर, एन. सी.सी. विभागाच्या सी.टी.ओ. प्रा. नीलिमा तिदार आदी उपस्थित होते.
या प्रसंगी महाविद्यालयाचे प्राचार्य प्रो. डॉ.एस. के. पाटील यांनी या कार्यक्रमाचे प्रास्ताविक केले आणि स्पर्धकांना या स्पर्धांचे महत्व पटवून दिले, तसेच संस्थेचे अध्यक्ष अरुणशेठ भगत यांनी हा कार्यक्रम महाविद्यालयाच्या प्रतिष्ठेचा असून,उत्साही वातावरणात साजरा होईल अशा शुभेच्छा दिल्या.तसेच पनवेलचे मा.आमदार प्रशांत ठाकूर यांनी हा उपक्रम प्रत्येक वर्षी राबविला जावा असे सुचवून आयोजकांना व स्पर्धकांना शुभेच्छा दिल्या. या कार्यक्रमाच्या दुसऱ्या दिवशी पारितोषिक वितरण समारंभाचे अध्यक्ष म्हणून संस्थेचे सचिव डॉ. एस. टी. गडदे, महाविद्यालयाचे प्राचार्य प्रो.डॉ. एस. के. पाटील, आय. क्यू. ए. सी.चे समन्वयक डॉ. बी. डी. आघाव, रुसा समन्वयक डॉ.एस.एन.वाजेकर, प्रो.डॉ. बी. व्ही. जाधव, भूगोल विभागप्रमुख डॉ.डी.एस. नारखेडे, कार्यालय अधीक्षक पी.एस.म्हात्रे यांची उपस्थिती लाभली.
या कार्यक्रमासाठी अनेक महाविद्यलायातील संघ आणि स्पर्धक सहभागी झाले त्यात क्रिकेट साठी १६ संघ,रस्सीखेचसाठी ८ संघ तर सांस्कृतिक आणि इतर क्रीडास्पर्धेत २७० स्पर्धकांनी सहभाग घेतला होता. तसेच या कार्यक्रमाचे सूत्रसंचालन तानाजी देशमुख यांनी केले. त्याचबरोबर महाविद्यालयाचे वरिष्ठ लिपिक पी.के.गोंधळी, क्रीडा समन्वयक डॉ.व्ही.बी.नाईक,सांस्कृतिक विभागाच्या अध्यक्षा डॉ.जी.एस.तन्वर, सांस्कृतिक समन्वयक गणेश जगताप, प्रा.अन्वेष वेमुला यांनी संयोजक म्हणून काम पहिले तसेच कमलाकर कणेकर, मिलींद साळवी, प्रल्हाद ठाकूर, तानाजी देशमुख, अस्मितक भगत,अभिजित ठाकूर,साईप्रसाद पाटील, शरद सदावर्ते, राजाराम मळेकर, मिलिंद पाटील,लक्ष्मण वाघमारे आणि इतर सर्व कर्मचाऱ्यांनी कार्यक्रम यशस्वीरित्या पार पाडण्यासाठी विशेष परिश्रम घेतले.
प्रस्तुत कार्यक्रम यशस्वीरित्या पार पाडण्यासाठी जनार्दन भगत शिक्षण प्रसारक संस्थेचे चेअरमन रामशेठ ठाकूर संस्थेचे अध्यक्ष अरुणशेठ भगत, व्हाईस चेअरमन वाय. टी. देशमुख, पनवेलचे आमदार प्रशांत ठाकूर,संस्थेचे संचालक परेश ठाकूर व संस्थेचे सचिव डॉ. एस. टी. गडदे यांनी सदर उपक्रमाच्या आयोजनाबद्दल कौतुक केले.