ऑईलने भरलेल्या कंटेनरला अपघात; काहीकाळ वाहतूक विस्कळीत !

पनवेल दि.१४ (संजय कदम) : पनवेल तालुक्यातील कासारभट येथून चालेल ऑइल भरलेला कंटेनर अचानकपणे रस्त्यावर उलटल्याने मोठ्या प्रमाणात ऑइल रस्त्यावर पसरले होते.
तालुक्यातील कासारभट या ठिकाणी उरण बाजूकडून ऑईलने भरलेला एक ट्रेलर कंटेनर चालला असताना अचानकपणे चालकाचा गाडीवरील ताबा सुटल्याने सदर कंटेनर रस्त्याच्या बाजूला उलटला. यावेळी कंटेनरच्या आतमधील ऑइल रस्त्यावर पसरत गेले. या घटनेची माहिती मिळताच परिसरातील नागरिकांनी ही बाब त्वरित वाहतूक शाखेला व सिडकोच्या अग्निशामक दलाला कळवली. तातडीने त्यांची पथके घटना स्थळी पोहचुन क्रेनच्या साहाय्याने उलटलेला कंटेनर सरळ करून स्त्यावर पडलेल्या ऑइलवर माती टाकलीगेली. या अपघातामुळे काहीकाळ त्या परिसरातील वाहतूक रोखण्यात आली होती.